fbpx

Read in English

Covid-19 Peiment

Lo Septemba 10, 2020, Palamen i senisim Lo bilong Supaenuwesen na nau ol memba husat i bin lusim wok bikos long Covid-19 i ken aplai lo kisim olsem 20% lo contribusen bilong ol yet tasol em mas noken aburusim K10,000. Ol memba bai no nap baim takis sapos ol i kisim dispela peiment.

Dispela peimen em bilong ol memba husat i bin lusim wok bilong ol bikos lo covid-19. Dispela peiment em ol bai kisim wanpela taim tasol.

Ol memba husat i holim wok yet bai i no nap long kisim dipela covid-19 peiment.

Supaenuwesen em bilong halivim yu taim yu pinis long wok olgeta tasol dispela halivim em lo givim sapot lo ol lain husat i bungim hevi nau bikos lo covid-19.

Wanpela nupela aplikesin fom bilong covid-19 peiment bilong ol memba i redi prinis. Ol memba husat i laik aplai lo dispela peiment, imas pulapim dispela fom na givim lo ol bos bilong ol lo kampani ol i bin save wok lo em.

Aninit lo Lo sapos wanpela memba i nogat wok bihain lo 3-pela mun, ol i ken putim pepa na kisim anemploimen benafit peiment. Aninit lo dispela  anemploimen benafit ol bai kisim olsem 50% pei ol bin save kism long wanpela mun wankain lo taim ol i bin save wok.

Toktok i go long ol Nambawan Super Membas long Convid-19

Papua Nui Guinea i wok lo kisim taim stret lo global helt Kraisis.

I gat nupela sik ol i kolim lo Korona Vairis or Convid-19 we i wok long nau givim planti hevi lo sait bilong ekonomi bilong ol kantri insait lo wel na planti kantri nau wok long putim ol banis lo stopim dispela sik lo spred.

PNG Gavman I mekim sampela toktok pinis lo banisim ol manmeri bilong PNG lo dispela sik Convid-19. Dispela ol toktok bai bringim sampela hevi long sindaun bilong yumi lo sait bilong fainens o mani tasol ol i putim lo banisim PNG.

Ol dispela banis we ol i putim bai stopim sampela bisnis lo wok insait long PNG na long ol arapela Kantri long wel

Nambawan super i wok lo lukim ol invesmen bilong mipela, tasol i luk long ekonomik klaimet or sindaun i no stap gut. Dispela sik i wok long putim ol hevi long ol asset na ol investmen na mipela redi tasol bikos lo histori bilong Nambawan Super i luk olsem em bai no nap gutpela yia bilong mipela.

Wanem samting Nambawan Super i wok long mekim?

Nambawan Super i wok long lukluk lo sosel, ekonomik na oparesen hevi we bai kamap

Mipela i wok klostu wantem ol narapela finans instatusen olsem ol benk lo sapotim ekonomik stabiliti bilong kantri. Aninit lo Superannuation General Provisions Act i nogat narapela rot o wei long ol memba lo rausim ol superannuation savings bilong ol sapos Convid-19 I stopim ol manmeri lo pinis wok o lusim wok.

Aninit long Lo bilong superaunation, ol member i ken kisim sampela halivim sapos ol i lusim wok behain lo 3-pela mun. Mipela i wok long stretim ol wokmanmeri bilong mipela long redi long halivim ol memba long dispela na mipela i lukluk tu long helt sefti bilong ol tu.

Sapos u laik go insait long wanpela brens o ofis meipla i askim olsem yu mas ring pastem long nupela fri kol namba 1801599 lo kisim halivim.

Long lukautim sefti bilong ol wokmanmeri bilong mipela na ol memba, mipela bai askim:

  • Ol manmeri long noken sanap klostu klostu
  • Ol manmeri lo givim spes olsem 1.5m namel long ol wokmanmeri bilong NSL na ol memba na
  • Ol wokmanmeri bilong mipela lo putim ol mask na ol arapela protekiv samting..
Ol sampela senis lo long sevis bilong mipela bikos lo Covid-19

Covid-19 i stap pinis long PNG na mipela laikim ol memba husat i gat ol samting lo askim lo ringim (free call) 180 1599 o email CallCentre@nambawansuper.com.pg

Sampela ofis bilong mipela long ol narapela provins bai no nap op sapos sik Covid-19 i go bikpela lo provins bilong ol.

Sapos ol memba laik go insait long wanpela brens o ofis, ol  i mas save olsem mipela wok lo sotim namba bilong ol memba i wok lo go insait ol long ofis bilong mipela bikos lo Covid-19. Mipela mekim dispela long lukuatim helt bilong ol wok manmeri na ol memba bilong mipela.

Ol kaunta sevis bilong mipela tu i senis na nau mipela makim ol dei long on wanwan sevis. 

Counter Service Schedule

ALL BRANCHES NATIONWIDE

MONDAY | WEDNESDAY | FRIDAY
General queries
Follow ups
Statement requests
ID card issuance

TUESDAY | THURSDAY
All Lodgments
Separation Authority Forms
(New Benefit, New Unemployment Benefit, Medical, Death)
Housing Advances
Continuous UB
Unfunded State Share
RSA Members/Minors

Toksave olsem ol sevis bilong  Nambawan Savings na Loans bai op long Monday i go nap Friday.

Mipela bai mekim ol toksave Sapos i gat ol intaview long mekim wantem ol memba.

Tenk yu

Wanem samting mi ken mekim lo banisim or protektim Super bilong mi?

Nambawan Super i wok long lukautim na banisim super bilong yu. Mipela i luksave olsem bai gat samepla drop lo ol investmen bilong mipela nau. Tasol mipela i lukim olsem bai I orait gen taim PNG na ol arapela kantri I daunim dispel sik na bisnis i ron gut gen.

Lo dispela taim mipela i laik toksave long ol memba olsem superanutation em wanpela long taim investmen.

Wanem samting mi ken mekim lo lukautim mi na femili long banisim sik Convid-19?

 Ol samting lo mekim sapos yu no laik kisim dispela sik convid-19.

Sosel distensin o Sanap longwei

  • Givim olsem 1.5 metres namel long yu na ol arapela manmeri
  • Noken sek han, holim han o hug o holim pas wantem ol frens or poroman.
  • Noken gat planti manmeri stap lo haus.

Stap Klin

  • Wasim han bilong yu sapos yu bipo lu laik kaikai or dring or mekim kaikai
  • Sapos yu laik kus karapim maus blo yu wantem elbow bilong yu or yusim tisu o toilet pepa. Troimoi tisu o kukim taim yu pinis.
  • Noken holim ai, nus, maus o pes bilong yu.
  • Klinim wok ples bilong yu na lo haus bilong yu.

Buai and spitting

  • Wasim gut skin bilong buai bifo yu laik kaikai buai
  • Noken Sharim daka na kambang
  • Noken Spet lo pablik hap or ples klia. Spet insait lo botol na bihain tromoi lo rabis bin

Ol samting lo mekim sapos yu pilim sik

  • Sapos yu pilim skin i hat, nek i soa, yu gat kus na u painim hat long kism or pulim win, go long haus sik.
  • Noken stap klostu long ol sik manmeri husat i stap long haus bilong yu
  • Sapos ol man i sik noken wokim nogut lo ol o bagarapim ol.
  • Ringim PNG Health Hotline sapos yu ting olsem yu gat dispela sik Covid-19 lo +675 7196 0813 o free call 180 0200.
    •  * Disclaimer o Tok klia

      Nambawan Super i no ol medical ekspet o save manmeri bilong sait bilong covid-19 na bai mipela i no nap long givim medical advais long ol memba na pablik. Sapos yu laik kisim edvais, go na lukim ol manmeri husat i gat save long ol medical samting.

    NSL supports Vaccination

    NSL supports Vaccination

    Nambawan Super is urging Papua New Guineans to support the Government in its preparation and rollout of a national vaccination program to combat Covid19.  Chairman of Nambawan Super, Reg Monagi, said Nambawan Super is putting its people in line to be vaccinated as...

    Member engagement Challenging during Covid-19

    Member engagement Challenging during Covid-19

    Nambawan Super is encouraging members to help stop the spread of Covid-19 across the country by not visiting branches for simple enquiries and instead using phone, online, and SMS services. CEO Paul Sayer, when announcing the Fund’s results said that Covid-19 is...